吉豚屋吉列豬扒專門店

Open Now

Now Closed

今日黎到荃灣心語廣場二期行街，見到有好多餐廳，選擇都幾多，最後我揀咗食吉列雞扒。餐廳是以吉列為主，款式都算多，最後我揀咗一個價錢較為廉價嘅特價餐，是期間限定，溫泉蛋香蔥辣味沙律吉列雞扒丼，吉列雞扒很大塊，有手掌咁大，食落口感香脆，再配合溫泉蛋嘅汁，係美極嘅配搭，跟餐還有一條炸墨魚條，亦都十分鬆脆，可口。

已經好耐冇食過吉豚屋見到有下午茶所以嚟試一試！下午茶時間要3:00開始！選擇都唔小呢！自己感覺最抵食應該係吉列豬扒定食$47🐖（使用80 gram豬扒），有埋椰菜絲，一碗飯同埋一碗麵豉湯，仲要連嘢飲！再加咗$8要一隻吉列蝦🍤，堂食需要另外加一，埋單$61，用下午茶做lunch都幾唔錯😂.最欣賞佢下午茶嗰份量其實同一份午餐係冇分別😂😂 性價很高！尤其碗飯多到食唔晒，朋友提醒下一次可以同佢小飯🤣椰菜絲夠乾爽！淋埋麻醬正！豬扒厚度都算滿意，雖然唔算肉汁好多，靠點豬扒醬補救😂😂 但佢個麵包糠口感我幾中意，唔係一大塊粉漿嗰隻，而係爽脆粒粒炸粉口感，呢個位加返分👍🏻 吉列蝦就真係冇乜特別，冇咩味同埋蝦毛仔，好似食粉咁，下次唔會加嚕🤡味噌湯出色好飲，超級足料有白蘿蔔，豚肉片、紅蘿蔔片、洋蔥、蒟蒻、仲有啲蔥碎，下午茶呢碗湯都繼續有誠意！整體都滿意，如果得閒口痕想食日式炸物都會再嚟！😌

本身以往食過幾次都正正常常 但今次叫咗個普通豬扒炸蝦飯 差唔多等咗大半個鐘都未有😔 結果嚟到啲飯完全食唔到 已經叫咗Staff換飯 但未有改善 連杯嘢飲都唔知去咗邊 太失望了以後blacklist了😣

黎荃灣行街， 又唔想食太貴， 又想清清地， 就去食吉豚屋。餐廳喺如心廣場， 平時行街都見到好多人排隊， 今次我哋早食， 唔使排好耐就入到去了。原來環境好有日式感覺， 好舒服， 餐廳嘅選擇都好多， 好多嘢都想食。其中我就叫咗最出名嘅吉列豬扒飯。 等咗大約15分鐘， 熱辣辣嘅豬扒就喺我面前。 吉豬扒外層炸得好酥脆， 都好乾身。 椰菜好多， 好fresh， 撈埋啲芝麻醬汁好滋味。 配埋個好足了嘅麵豉湯，成個餐加埋都唔使100蚊。總括而言， 呢間 吉豚屋嘅套餐性價比高， 食完又飽肚！

餐廳位於如心廣場入面，屬於商場內價錢比較相宜的餐廳。這間店主要是做日式吉列丼飯，食客可選擇豬扒、雞扒、炸蝦等，另外還可以選壽喜燒的餐點。我們選了一個精選着數套餐，套餐包括了溫泉蛋滑蛋吉列豬扒丼、特製唐揚炸雞兩件及椰果荔枝茶。這個丼飯單點要$62 ，這個套餐還包了兩件炸雞及飲品都只是$69 ，十分抵食。另外還選了一個吉列雞扒定食，包括了吉列雞扒配椰菜絲、一個飯及麵豉湯。餐點送上的時候都是熱騰騰的，丼飯的飯質及軟硬度剛剛好，又軟又好味。而麵豉湯雖然小小的一碗，但裏面都有很多材料，包括蘿蔔、肉片、洋蔥和蒟蒻，味道很好。堂食的餐桌上還放了豬扒醬及芝麻醬，讓食客隨自己的喜好添加於飯和食物，令食物更加美味😋

滿心歡喜想去食之後見10點半先收，都想快食，點知9點20去到話得翻外賣。。。。所以留港消費？真係no la，都唔會再去食啦，之後人地寫評價，做咩一定要最前80字，個app都 on

最近呢間餐廳推出咗一個優惠，所以試下佢嘅套餐。今次叫咗個吉列豬扒温泉蛋，連加一只係$66，呢個價錢都無乜期望🙈温泉蛋有d過熟，缺乏咗原本應有的綿軟口感。飯比較大問題，顯然含有過多水分，結果讓米飯變得水潤，這對於一道豬扒飯黎講係一個失敗。最後由於飯嘅水分過多，豬扒失去了原本應有的酥脆口感。令整道菜嘅口感略顯平淡。總結，呢餐價錢算平，食材雖然唔算好(合乎預期)，但係煮法需要進一步改進，以提升整道菜的口感。

呢間不嬲食開, 都算多分店, 外賣又出得快, 所以經常幫襯. 最出色係佢D滑蛋, 偏甜, 但配埋個有汁飯係好好食, 基本上就咁蛋撈飯已經可以食半碗. 當日叫滑蛋豬扒丼, 豬扒不過不失, 炸粉量適中, 份量又唔算少, 女仕食細(梅)size已經足夠～

然D野食係OK，個吉列豬扒味道十分美味，每一口都帶來滿足的口感。但是，我必須提到的是，這家餐廳的服務讓我有些失望。當我進入餐廳時，已經是下午茶時間了，但侍應卻沒有主動提供下午茶餐牌，這讓我感到有點困惑。我不得不主動詢問他們是否提供下午茶選項。除了缺乏主動性之外，侍應的態度也讓我感到有些冷淡。他們似乎缺乏熱情和關注，沒有給予我足夠的注意力。這種冷漠的服務態度讓我對餐廳的整體體驗產生了負面的印象。儘管食物的品質不錯，但良好的服務體驗也是一家餐廳成功的關鍵之一。希望這家餐廳能夠反思並改善他們的服務態度，提供更周到、熱情的服務給顧客。這樣，他們就能夠贏得更多的忠實顧客，並在競爭激烈的餐飲市場中脫穎而出。

經過見到門口貼咗張牛脷丼嘅poster，望落幾吸引，入去食個下午茶試試。吉列豬扒定食（$47）轉牛脷丼（+$10）吉豬外層炸得唔錯，鬆脆唔油膩，可惜豬扒較為乾身，唔算軟嫩，而且無咩肉汁。牛脷丼都幾大碗，都有五大舊牛脷，而且比預期中好味道，炆得好腍但仍保持口感，醬汁濃厚，好適合撈飯，不錯，呢$10值得比。跟餐嘅湯竟然係豚肉湯，並唔係普通味噌湯，平時要加錢先有，現在下午茶餐包埋，抵。餐飲包$11嘅特飲，要咗柑桔檸檬特飲，味道正常。

入到吉豚屋，首先感受到嘅就係佢哋嘅環境，坐得舒服之餘，有凍水提供，喺香港嘅炎熱天氣裏頭，真係一個大大嘅加分點。講到食物，我哋今次揀嘅係滑蛋豬扒飯同滑蛋雞扒飯。首先講下呢個滑蛋豬扒飯，吉列豬扒本身嘅質感算係中規中矩，可能因為加咗滑蛋嘅關係，佢嘅脆皮感受減弱咗一啲。不過，無可否認嘅係，嗰舊豬扒肉質鮮嫩，多汁，入口有股淡淡嘅甜味，滿足咗一定嘅口味期待。至於我女朋友嘅滑蛋雞扒飯，我都偷咗一啖嚟試吓。雞扒做得唔錯，外皮比豬扒嘅更加脆口，雞肉質地柔軟，搭配滑蛋同熱騰騰嘅白飯，簡直係完美配搭。總體而言，吉豚屋提供嘅餐飲體驗算係令人滿意。雖然豬扒嘅脆皮感稍嫌不足，但整體嚟講，食物質量同環境氛圍都算係上乘，值得推薦俾鍾意日式豬扒飯嘅朋友。下次再嚟，我會試吓佢哋嘅其他招牌菜式，期待有更多驚喜！

暖暖哋吉列豬排飯到枱時暖暖哋、吃到咁上下⋯⋯開始硬硬哋加埋吉列炸蝦好似暖都唔暖吓、門口有人排隊啊 good luck 我已經好少行街看到想吃就吃，真係運桔我哋坐低慢慢看餐牌吃、我叫吉列豬排飯 、炸雞 、吉列蝦 4 隻，太太叫咗滑牛吉列豬飯，等咗三、四分鐘就來咗，師傅做到咁快有得吃，反而飯有熱感覺，先吃飯加埋吉列豬、趣就好趣原來凍咗嗰種趣、後來炸蝦、炸雞都來咗，可能🤔好啲⋯⋯ 都係咁來吃吉列炸蝦、炸雞、吉列炸豬扒都想要熱

諗住入嚟食個下午茶，一入門口見到一位中年長髮員工，說話態度非常差，呼呼喝喝咁，已經覺得唔對路，不過又唔好意思掉頭走，唯有食埋先，不過真係冇下次，食餐飯姐，唔使受你氣嘅！

食物已經普通，店員態度極差，西到爆炸，仲好意思收加一服務費。嗌咗一杯檸檬可樂，等咗15分鐘都未嚟，個飯都就嚟食完；同個店員講差杯嘢飲，語氣極差地叫人等多陣。唔會有下次。

Came here with my family expecting a nice and simple meal. 3 out of 4 meals came, 10mins afters the last meal was served we notified the waitress that we were missing a dish which she should have noticed as our table was her responsibilty, it should be obvious 1 person was not eating on the entire table. 15mins later the dish was still not served nor being cooked in the kitchen, so we cancelled it. The waitress updated our receipt and handed it to us WITHOUT a single word of apology. She even ha