覓炙 (Closed)

韓燒心癢起，上openrice search到宜間韓國餐🇰🇷廳雖然位於酒店低層，覺得好特別，就訂左檯同honey去食！雖然係酒店入面，但價錢一d都唔高，質素又夠高，真係CP值爆燈六點幾入座時，時間尚早，人流未算太多！每檯都有獨立既抽風機，抽風能力好強，食完成餐韓燒都唔覺好大陣味。先黎韓式蘋果沙律，沙律清新開胃，絕對係唔錯既前菜之選。值得推介黑毛豬五花腩卷（$148），脂肪份佈平均，燒完之後油脂溶化，入口好香油脂味。我覺得即使食完可能肥多兩磅，但都非常值得呀！🤤🤤🤤韓味香蔥西冷卷（$198）好大份，超級長！而且牛肉卷唔會切得太薄，食落口感豐富！覓炙護心肉（$148）係豬既橫隔肌，燒完之後好香，肉味濃郁。