LIFETASTIC (Closed)

喺香港大學站出嚟，一分鐘都唔洗嘅步程就嚟到Lifetastic。餐廳外面係落地玻璃，入到去可以選擇坐喺玻璃前，一邊享受寧靜嘅街景一邊食嘢；又或者可以好似我咁選擇4人臺。首先上嘅係帕馬森芝士薯條，由於所有食物都係現場即叫即整，薯條熱辣辣，脆卜卜嘅外表配合半融化嘅芝士實在令人食指大動啊！芝士同薯條嘅配搭十分合適，唔會淨係食到其中一樣嘅味。跟住落嚟就係pasta首先登場係明太子蟹肉三文魚籽意大利麵。蟹肉豐富，明太子醬獨特嘅風味加上濃郁嘅三文魚油，令平平無奇嘅意粉又多一個想像空間。之後係酥炸軟殼蟹蟹肉明太子意大利麵。醬汁十分濃郁，明太子汁微辣，同軟殼蟹配搭意外地夾，原隻軟殼蟹經烹調後仍然保持原汁原味，大大隻，十分香脆，size差不多能覆蓋整份意粉。甜品方面，點了荔枝玫瑰蛋糕。蛋糕味道芳香、清新，整體不太甜，甚有驚喜。上層有不同的果肉，中層是玫瑰忌廉與椰果，而底層就由碎杏仁做成，是坊間少見的。店員介紹說用杏仁代替麵粉會比較健康，因為都市人容易有過敏情況出現，而杏仁就可以避免啦！值得一提嘅係餐廳裝修簡約單調！十分舒適！