藤 (Closed)

呢度無論份量、鮮味、花款同價錢都非常實惠，order 咗一個Dinner omakase同一份omakase魚生飯，兩份都非常多元化而且食得非常滿足。Dinner Omakase $788pp前菜已經非常豐富，包括有:🐟煙燻鰆魚配茗荷沙律🦪北海道小長井生蠔🐙螢光魷魚配水雲🦐沖繩車海老配糖醋蛋首先上枱有輕微炙燒嘅鰆魚，炙燒過程令魚油味突出；然後來自長崎縣生蠔，肉質豐富鮮甜。沖繩海老配上令人驚喜嘅糖醋蛋令到個口感加上層次。頭幾款壽司都簡單為主，以免加上太多調味蓋過海鮮鮮味。首先有帆立貝同牡丹蝦都非常鮮甜，其中帆立貝更用上淡雪鹽去調味，更凸顯佢個鮮味。另外仲有配上香蔥嘅金目鯛同鮮甜爽口嘅赤貝。之後慢慢開始帶黎肉質同油份較重嘅魚，有肥美嘅油甘魚腩同深海池魚。比較特別嘅有加上梅醬嘅真鯛，師傅話想透過梅醬令到本書較淡囗嘅真鯛帶出鮮甜。亦有春夏時令嘅梭子魚，適當調味加上輕微灼燒將油份帶出黎，層次十足。接近尾聲再黎拖羅，夠大件得黎入口即溶！重頭戲當然唔少得海膽壽司，甘甜鮮美同味道濃郁。最後仲有蔥吞拿魚腩卷、麵豉湯同非常吸睛嘅小熊抹茶蕨餅配紅豆甜品收結，估唔到呢餐可以食得咁滿足，每一件都比達到預期水準，