和氣食堂 (河畔花園)

Open Now

Now Closed

聽人講河畔附近有間日本餐廳幾好食，好多好評，所以就黎試吓～六點幾到達餐廳已經要等位，都幾誇張。雖然繁忙時間，但等左廿分鐘左右，店員就已經執好位禮貌地安排我哋入座。四色魚生丼 （三文魚、拖羅碎、甜蝦、三文魚子）- 啲魚生多到遮住曬啲飯。三文魚好厚好新鮮；拖羅碎分量同整一碗細魚生飯差不多；甜蝦多肉大隻；三文魚子超鮮甜。鐵板煎鬆軟牛舌 - 牛舌真係好鬆軟，同平時食嘅口感完全唔同。鐵板上有洋蔥薦底，日式醬汁同洋蔥好夾，牛舌入晒味，好好食。和風田園野菜沙律 - 有好多種沙律菜同蕃茄，用嘅係日本沙律醋，清新爽口。三色花之戀（芒果、海膽拖羅蝦、蟹子）- 三種唔同感覺嘅花之戀，芒果清新，海膽拖羅同蝦嘅鮮甜，豐富滿滿嘅蟹子，淨係食呢個花之戀，視覺上味覺上都好滿足。金蒜燒日本米茄子 - 賣相超讚，鋪滿左香蒜嘅茄子，加上醬汁，味道濃郁而且茄子好入味。電擊雞翼 - 見個名咁得意所以order嘅，以為佢係熱食，點知一放入口竟然係凍，而且味道好好，好有驚喜。鍾意呢個雞翼係單骨，方便我唔識優雅地食雞翼嘅人～整體來講，味道、賣相同服務都好好，座位乾淨舒服，而呢餐咁多樣野加埋先四百幾蚊， CP值一定係超高！今次回頭率：