壽司郎 (Closed)

諗住剛開門嘅時間就攞飛，應該可以早啲有得食啦掛 🤔 聖誕正日一於11:10到達攞飛，不過客人甚多，已經攞到150多號，最後等到1:30終於可以入座 😪餐廳售賣壽司為主，當中也有少量熟食提供。壽司以$12/$22/$27不等，有生有熟種類繁多。熟食方面有炸物、烏冬拉麵及茶碗蒸；仲有十多款甜品選擇。而且會按季節以日本當造嘅材料製作成壽司、熟食、甜品。除咗迴轉帶上嘅壽司，亦可採用Tablet下單，每種食品均附實物圖，方便易用 👍=========================特大生松葉蟹腳 $22今期限定款式，敢食生嘅一定要試！蟹腳好似碟咁長，蟹殼已剝好，完整肥美蟹肉一啖食落去，爽口多汁，一啲腥味都冇。鰻魚卷$27卷物上面鋪住大大塊鰻魚，中間以紫菜包住芝士、青瓜、玉子組成，青瓜口感爽脆嘅同時，芝士夾係中間，又有魚肉的柔軟感，口感豐富宮崎產鰻魚 $27身為鰻魚嘅我當然試多幾款鰻魚嘅壽司啦！鰻魚厚切，相比「極上鰻魚」（$22）更大塊，一啖食唔哂，味道差唔多～輕微暖身，上枱前有炙燒過；經燒香後逼出油份，有魚油香，魚肉軟綿綿。山藥鰻魚海苔包 $17山藥磨成蓉，滑潺潺嘅口感男朋友唔鍾意俾埋我😅 不過