LA FAMILLE

Open Now

Now Closed

今日有重要任務，負責買蛋糕🍰去朋友屋企house warming。人頭湧湧就知好野黎啦，櫥窗裡面d蛋糕好靚好優雅，仲有好多味道選擇呀！排左陣終於買到！個個都讚不絕口，蛋糕🍰空氣感十足，鬆鬆軟軟綿綿。裡面嘅Cream香濃軟滑，不愧係北海道鮮忌廉呀！和茶三式，三種日式茶造嘅雲石戚風蛋糕，絕對同平時連鎖店買到嘅無得比！同時食到幾種茶味，濃度好到位，令蛋糕較少甜度，我最鍾意就係呢款♥️！香濃開心果，香濃碎開心果仁藏喺蛋糕中，口感層次分明，加上新鮮香甜士多啤梨🍓點綴，造雅簡單中顯得不平凡～除左個裝蛋糕之外，買多幾款獨立包裝嘅小蛋糕，今晚同老公宵夜食🍴～法式茶點貝殼形瑪德蓮蛋糕，用上特別嘅味道好似抹茶🍵咁，非常突出，另一款法國玫瑰味就清雅脫俗，牛油香味中帶有玫瑰香氣～日本柚子同雙重朱古力切件蛋糕，打開包裝袋香味湧哂出黎！一款夾雜清新柚子皮，一款混有半溶朱古力，食到好幸福嘅感覺呀！個裝蛋糕幾十蚊就有一個，而且造型高貴優雅，都諗唔到有咩理由仲要局限買連鎖店嘅蛋糕了。