韓淼莊 (Closed)

今日大風大雨，想食啲熱野暖下個身，同朋友都不約而同叫左公司豆腐鍋。首先，個價錢已經好吸引，$50 包2個前菜，1個主菜同1杯飲品。前菜我叫左泡菜同薯仔，正常發揮。朋友話豆腐好好食。豆腐鍋上菜個陣，個鍋仲「渣渣聲」，好夠熱。個飯都乾身，粒粒分明，但係唔會硬嘅。飲品我就叫左生薑茶，估計都係啲現成沖劑加水，冇乜特別，呢個價錢唔會要求太多。不過值得提嘅係我地食左1/3都冇就飽曬，份量好大，男士黎嘅話都一定夠食。樓面只有兩個姐姐，禮貌ok，落餐買單都要等一陣，假日午餐人流約8成full。大家都唔會坐得好逼。