韓珍 (帝國中心) (Closed)

朋友想食醬油蟹，但又想要韓燒，我立即就諗到係帝國中心既韓珍！各樣款式既韓國料理都有，真係一次過滿足晒你想要食韓國菜既要求。🥢醬油蟹怪不得叫「白飯神偷」，醬油蟹蟹膏撈埋熱飯一齊吃，蟹膏又香又鮮甜，食唔停口🥢韓國煎餃子餃子餡是粉絲為主，所以吃時不會太滯，多吃幾隻也okay，炸過的餃子香脆🥢炒牛肉粉絲簡單的一道韓國家常菜，粉絲爽口，滿滿的牛肉及蔴油香味🥢烤肉- 牛舌及峰窩五花腩如果唔係已經點咗其他菜式，我會選擇燒烤拼盤，因為可以試到多啲唔同肉類款式，但因為我地已經點咗其他菜，所以就只揀咗牛及豬各一，估唔到份量頗多。侍應們都好好，若果見到你有需要都會主動幫你燒，以免你把肉都燒焦五花腩油脂豐富，燒時把大部分油脂都迫出，只餘微脆口感，一啲都唔肥膩，配生菜及泡菜包在一起食好夾。而牛舌就更簡單，兩邊燒一燒基本就熟了，牛肉味濃郁。除咗主菜外，餐廳送的配菜也豐富，特別那個鐵板蛋餅，估不到有驚喜，熱焫焫，蛋香嫩滑兼有，不是附送的就隨便造👍🏻