Video
Read full review
2019-03-21
633 views
中同聚會又要諗地方，唔係放題就自助餐。悶悶地就上網搵CAFE 轉下口味。上網見到呢間旺角CAFE好評如潮，決定簡呢間To-Gather Cafe~位於旺角金雞商場19樓，非常方便，Lift門一開就見到～Café 既環境唔錯，燈光足夠唔會太暗可以方便影相。而且座位好闊落， 好似K 房既皮沙發。board game嘅款式都唔少， 想玩乜都得。最後拎左估估畫畫，同朋友笑到傻左，等左大約10分鐘到食物都陸續上台。我地叫左個PARTY B (4個人分享)!可揀2款主菜同2款飲品，其他店員會按人數來分配。首先嚟咗飲品～我哋揀咗大家都啱飲既柑桔檸檬同蜂蜜綠茶，唔好睇佢好似係普通飲品，但勝在兩大榨，夠曬飲，而且飲得出佢係自己手調。柑桔檸檬輕輕的甜、微微的酸、淡淡的橘香好開胃。蜂蜜綠茶好養生既感覺。凱撒沙律: 羅馬生菜同炸麵包粒，落埋巴馬臣芝士碎、檸檬汁、橄欖油、雞蛋、喼汁、蒜頭碎同黑椒粒調味。好重既芝士味，但又有蕃茄仔做配菜，食落好新鮮，唔會好膩。無得輸薯條:新鮮炸出嘅薯條鋪上滿滿嘅芝士每一條都充斥著芝士香，但係呢種芝士唔係味道好重嗰款，食落似白汁咁，所以都唔會覺得好膩，店員甫上菜已經提醒我地薯條熱食
上網見到呢間旺角CAFE好評如潮，決定簡呢間To-Gather Cafe~
位於旺角金雞商場19樓，非常方便，Lift門一開就見到～
Café 既環境唔錯，燈光足夠唔會太暗可以方便影相。而且座位好闊落， 好似K 房既皮沙發。board game嘅款式都唔少， 想玩乜都得。最後拎左估估畫畫，同朋友笑到傻左，等左大約10分鐘到食物都陸續上台。
我地叫左個PARTY B (4個人分享)!可揀2款主菜同2款飲品，其他店員會按人數來分配。
首先嚟咗飲品～我哋揀咗大家都啱飲既柑桔檸檬同蜂蜜綠茶，唔好睇佢好似係普通飲品，但勝在兩大榨，夠曬飲，而且飲得出佢係自己手調。
柑桔檸檬輕輕的甜、微微的酸、淡淡的橘香好開胃。蜂蜜綠茶好養生既感覺。
凱撒沙律: 羅馬生菜同炸麵包粒，落埋巴馬臣芝士碎、檸檬汁、橄欖油、雞蛋、喼汁、蒜頭碎同黑椒粒調味。好重既芝士味，但又有蕃茄仔做配菜，食落好新鮮，唔會好膩。
無得輸薯條:新鮮炸出嘅薯條鋪上滿滿嘅芝士每一條都充斥著芝士香，但係呢種芝士唔係味道好重嗰款，食落似白汁咁，所以都唔會覺得好膩，店員甫上菜已經提醒我地薯條熱食最好味，喺芝士仲係温溶狀態，配上粗薯條，真係令人欲罷不能，最適合就係同朋友一邊玩遊戲一邊食。
芝士汁焗蔬菜:西蘭花啱啱好同芝士汁非常夾～仲有粟米芯都好正啊!!!
小食拼盤: 有吉列珍寶蝦、粟米墨魚餅、惹味咖哩角和蜜糖雞翼。雞翼非常入味，表皮香口乾身，內裡嫩滑多汁，外脆內軟!
泰式豬頸肉 + 蜜汁雞肉串: 豬頸肉的醬汁酸酸甜甜，好有泰國風味。而雞肉串是童年既味道，忍不住多吃了一串。
其實食到咁上下都已經飽飽地，主菜都上了。
我地簡左白汁香蒜蜆肉意粉:意粉軟硬適中，除左蜆肉，配料仲有彩椒、菇菌同洋蔥，口感豐富。
識食一定食佢既黑松露海鮮意大利飯: 賣相非常吸引，所有海鮮鋪哂上面，特別係啲青口同大蝦，一睇就知好大隻，好足料！佢啲蝦仲好爽口！好香黑松露味，食完一啖又一啖! 想ENCORE!
成日話女人有第二個胃，係真既，明明食到咁飽都仲食得落甜品紐約芝士餅同埋咖啡朱古力慕斯蛋糕。
紐約芝士餅:質地比較實，芝士味非常濃郁，入口細緻滑溜，停不了口的濃烈芝士味!
咖啡朱古力慕斯蛋糕: 入口細緻滑溜，咖啡朱古力濃郁，無得輸。
今餐真係好滿足!!!一定會再黎光顧!
Post
