Romanne Leisure Food Concept (砵蘭街) (Closed)

同朋友行係朗豪坊行完街, 就去隔離朗晴坊醫肚。之前上網做過功課，話呢有間CP 值幾高既西餐廳, 今次就黎試下先。呢間餐廳可以用小清新來形容，裝修簡潔，座位闊落，好舒服。澳洲特選有骨肉眼配薯菜🐮$128牛魔王上身，呢個價錢食到手掌咁大塊扒，真係真心抵食呀。我地叫左7成熟，切落去唔會靭，有又肉汁，火候控制啱啱好，加上有唔少配菜，調味適中，清甜，令到食完咁大塊扒都唔會有罪惡感。自家製牛肉大啡菇芝士漢堡配薯條 🥩🍔 $99朋友大讚呀！漢堡多汁，大啡菇厚切，配上洋蔥生菜芝士，漢堡醬汁酸酸甜甜, 十分醒胃，加埋一齊真係perfect match。特別一定係個炸薯條， 每一條都炸到卜卜脆，真係好好味。我地都有叫到特飲🍹香蕉奶昔 🍌好Creamy, 香蕉味好香濃，電子落單可以揀甜嘅程度，好方便。榛子朱古力 🍫都係好香， 好滑，味道非常好。