麻布茶房 (Closed)

今次同朋友行街未諗到食咩嘅時候，被麻布茶房外面店舖嘅甜品display 吸引左~ 見入面都幾多人氣所以一試。除左甜品，原來主食有好多選擇! 呢排有點秋意，見好多人食火鍋~ 除左火鍋，仲有多款定食選擇，可選配多達十幾款甜品其中一款, 真係花多眼亂呀!我叫左個熊本霜降西冷配抹茶聖伐~ 配燒肉汁，沙律，雙色海鹽，麵豉沙同飯。非常豐富! 朋友叫左個美國安格斯西冷牛肉火鍋。西冷扒好大份，有成300g! 厚厚嘅西冷扒賣相好吸引! 先飲左個麵線湯暖一暖胃。個湯出奇地好味，唔同平時嘅麵豉，佢唔會過咸，有陣陣鮮味，幾清新~ 西冷扒煎得啱啱好，喺我想要嘅熟度。3成熟但冇血水~ 牛扒冇乜根，好容易切開。厚度非常夠，咬落好有肉感，好滿足呀! 點少少抹茶海鹽好好送飯。燒汁味道好特別，配搭牛扒激讚~到甜品啦～賣相滿分。抹茶雪糕球加上雲呢拿味軟雪糕，一軟一硬好正。雪糕上配搭左少少水果，加點小清新嘅感覺。另外朋友叫嘅火鍋評價亦唔錯， 大家可以考慮一試。總括嚟講呢個餐係非常抵食。有足料份量嘅牛扒同埋精緻甜品。CP值高!