ACOCake (Closed)

今日收工同同事去駱駝漆行街，意外地發現呢間Cupcake店Cupcake有大有細，賣相精緻，而且仲有好多種唔同嘅味道。細嘅Cupcake仲可以一啖一個不過再睇睇，見到有個黑板，上面畫左一個裝有Cupcake x Icecream嘅杯。店員見到我地係到睇，就詳細介紹比我地呢個杯最底會放一個Cupcake，之後會放Cream Cheese係中間，而最面就係雪糕，最後亦會有蝴蝶酥同果仁做配料！原來每星期都有3款口味雪糕比你揀，而今次有D24榴槤、番石榴同桃味。我當然要左D24榴槤雪糕，不過亦因為味道比較濃，所以店員建議要Red Velvet Cupcake。雪糕唔易溶，影完相仲可以慢慢食而D24榴槤味雪糕真係好濃郁，但唔會話好甜，配淡淡嘅紅菜頭Cupcake就岩岩好，無咁膩，不過食完都幾飽！同時啲配料都好正，自家製嘅蝴蝶酥同Caramel Hazelnut都脆卜卜。特別係果仁，因為比焦糖滿滿咁包住，又甜又香