Video
Read full review
2021-09-18
124 views
🌼妹妹鐘意村上隆啲花花，襯放假特登拉小編黎到尖沙咀K11 Musea嘅Curator餐廳，欣賞一下呢朵七色笑臉花。🍽妹妹講咗呢朵花背後啲故事比小編知（笑中帶淚的花朵，寓意再痛苦再悲傷也不要忘記笑容）。小編同意，就好似工作幾忙都好，都唔好忘記食飯～傷胃啊～🥖Breakfast Essential元氣精華（$98）：麵包似係搽咗啲牛油蜂蜜再拎去焗，最外層香脆，但內則好軟熟。麵包上鋪滿香腸、培根芝士炒蛋，以及醃製過嘅小黃瓜。咬落去既有炒蛋嘅軟滑，又有小黃瓜嘅爽脆，口感幾豐富。而香腸⋯相熟嘅讀者們應該知道小編對肉冇抵抗力～🍝Prawn linguine in tomato sauce 大蝦意粉（$178）：選用左小編最愛嘅扁意粉，特色係特別掛汁。番茄醬酸甜讓人開胃，食晒成份都唔會覺得好heavy。五隻肥厚大蝦，肉質都新鮮，擺盤賣相幾靚～🍕Curator style pizza 招牌沙樂尾腸薄餅（$78）：唔知大家鍾意食薄pizza定厚pizza呢？呢到嘅招牌薄餅行脆薄路線。餡料包括沙樂尾腸，小蕃茄，及多種芝士。由於薄餅底，食落相對香口及輕盈，餡料嘅味道亦都會比較突出。喜歡薄脆口感嘅讀者應該會喜
🍽妹妹講咗呢朵花背後啲故事比小編知（笑中帶淚的花朵，寓意再痛苦再悲傷也不要忘記笑容）。小編同意，就好似工作幾忙都好，都唔好忘記食飯～傷胃啊～
🥖Breakfast Essential元氣精華（$98）：麵包似係搽咗啲牛油蜂蜜再拎去焗，最外層香脆，但內則好軟熟。麵包上鋪滿香腸、培根芝士炒蛋，以及醃製過嘅小黃瓜。咬落去既有炒蛋嘅軟滑，又有小黃瓜嘅爽脆，口感幾豐富。而香腸⋯相熟嘅讀者們應該知道小編對肉冇抵抗力～
🍝Prawn linguine in tomato sauce 大蝦意粉（$178）：選用左小編最愛嘅扁意粉，特色係特別掛汁。番茄醬酸甜讓人開胃，食晒成份都唔會覺得好heavy。五隻肥厚大蝦，肉質都新鮮，擺盤賣相幾靚～
🍕Curator style pizza 招牌沙樂尾腸薄餅（$78）：唔知大家鍾意食薄pizza定厚pizza呢？呢到嘅招牌薄餅行脆薄路線。餡料包括沙樂尾腸，小蕃茄，及多種芝士。由於薄餅底，食落相對香口及輕盈，餡料嘅味道亦都會比較突出。喜歡薄脆口感嘅讀者應該會喜歡！
☕️Caffe Latte拿鐵（$51）：加$10轉咗大杯，較咖啡味更加偏重奶香。咖啡一啲都唔酸，偏向溫柔淡淡嘅nutty香。適合啱啱開始欣賞咖啡嘅朋友仔，係好輕淡、好溫柔、好易入口嘅咖啡味。
😉整體而言：食物質素唔差，店舖內有不少潮牌產品，相信吸引到唔少嘅朋友仔嚟打卡～放假行完街坐坐幾chill～
Post
