Video
Read full review
2017-12-15
114 views
係香港想食好嘢？真係冇辦法，有時真係要好似冒險咁發掘出泥。而今日介紹嘅呢一間，係我最近食過各間鰻魚飯，覺得最滿意嘅一間日本餐廳。非地鋪嘅關係，唔係太方便搵到佢。但試過之後，絕對係值得再番泥！是日星期日，剛剛喺銅鑼灣辦完一啲事，咁巧合經過附近，打算食日本野。喺樓下見到招牌再search下OpenRice，就決定咗試呢一間！無諗到假日都有午餐，價錢由60幾蚊至到90幾蚊不等。首先講下Lunch set，基本嘅沙律、麵豉湯、一碟小食有齊，最後一個主菜。而今日我哋叫咗嘅餐呢，分別係極上魚生飯同極上鰻魚丼飯。其實唔駛等好耐，一啲基本嘅小菜都馬上到，因此好快就有得食。沙律份量適中，加入咗我最鐘意嘅柚子醋，酸酸甜甜非常配合，令人開胃。至於今日小食就有螺肉青黃瓜，最適合就係送飯食。講咁耐，竟然係鰻魚飯最先泥到！簡直係可以用震驚來形容，因為鰻魚係整條咁上，尺寸有我手臂咁粗！真驚喜。可以由相片睇出同匙羹個比例，絕無誇張！然而，唔好以為得個尺寸威水，當我食左一口鰻魚，真係無得輸。魚肉嫩滑唔老，蒲燒汁絕對唔吝嗇，魚肉非常入味再配一口飯：啊！內心已經綻放煙花。呢個鰻魚飯啲水準覺得已經非筆墨能形容，絕對一定要試啊
是日星期日，剛剛喺銅鑼灣辦完一啲事，咁巧合經過附近，打算食日本野。喺樓下見到招牌再search下OpenRice，就決定咗試呢一間！無諗到假日都有午餐，價錢由60幾蚊至到90幾蚊不等。首先講下Lunch set，基本嘅沙律、麵豉湯、一碟小食有齊，最後一個主菜。而今日我哋叫咗嘅餐呢，分別係極上魚生飯同極上鰻魚丼飯。
竹串午餐
40 views
0 likes
0 comments
其實唔駛等好耐，一啲基本嘅小菜都馬上到，因此好快就有得食。沙律份量適中，加入咗我最鐘意嘅柚子醋，酸酸甜甜非常配合，令人開胃。至於今日小食就有螺肉青黃瓜，最適合就係送飯食。
極上鰻魚丼飯
23 views
0 likes
0 comments
講咁耐，竟然係鰻魚飯最先泥到！簡直係可以用震驚來形容，因為鰻魚係整條咁上，尺寸有我手臂咁粗！真驚喜。可以由相片睇出同匙羹個比例，絕無誇張！然而，唔好以為得個尺寸威水，當我食左一口鰻魚，真係無得輸。魚肉嫩滑唔老，蒲燒汁絕對唔吝嗇，魚肉非常入味再配一口飯：啊！內心已經綻放煙花。呢個鰻魚飯啲水準覺得已經非筆墨能形容，絕對一定要試啊！大件夾抵食。
極上鰻魚丼飯
12 views
1 likes
0 comments
極上鰻魚丼飯
9 views
0 likes
0 comments
太震驚到我差啲忘記咗，自己仲有個魚生飯。魚生飯賣相亦都非常之吸引，而刺身嘅款式亦都相當多：分別有海膽、三文魚、 油甘魚、吞拿魚、帶子同赤海蝦。呢個價錢可以食到咁多款刺身，其實都已經相當物超所值，刺身類嘅狂熱愛好者，想一次過滿足晒你嘅慾望，非呢個餐莫屬啦！
極上魚生飯
14 views
0 likes
0 comments
極上魚生飯
8 views
0 likes
0 comments
題外話，侍應亦都好好客咁幫忙加水，又主動問我地覺得好唔好食。個人感覺整體都幾舒服，所以都好推薦自己朋友試吓呢一間，銅鑼灣開飯？Try it！
Post
