Video
Read full review
2019-07-20
79 views
Hugo Le Resto Grill (銅鑼灣)銅鑼灣怡和街42-44號華人銀行東區大廈2樓-----好友生日 上網見到呢間銅鑼灣樓上西餐頗多好評 地點方便 鄰近SOGO 同皇室堡 方便我地食完逛街 所以就揀左呢度同佢慶祝 上黎發現餐廳內部環境比起係外墻睇靚 每張枱仲有一盞可以調節光度嘅小燈 感覺非常浪漫💕呢度一共有11款Signature dinner 價錢由$238-$338不等 每個Set都有包餐包 自助沙律吧 龍蝦湯及飲品-◆餐包：麵包係哋自家製造 烤熱過之後再拎出黎 食落暖暖地 質感鬆軟 還不錯-◆自助沙律吧（跟餐送）選擇話多唔多 話少唔少 有沙律菜 哈密瓜 新鮮菠蘿 番茄仔 粟米粒 粟米芯 秋葵 橄欖 薯仔沙律 水果沙律 熟蝦 番茄酸瓜洋蔥醬青口 青瓜 紫洋蔥 麵包糠等等 整體質素幾高 尤其推介凍青口同新鮮菠蘿 前者調味清新 後者鮮甜多汁😋-◆龍蝦湯（跟餐送）：質感稠身 龍蝦鮮味突出 飲落幾creamy 底部有啲蝦粒 增添口感 另外可以係沙律吧自己攞啲麵包糠加落去 鍾意食幾多就攞幾多😙-◆非凡鮮羅勒香草醬海鮮扁意粉（$238）一上枱已經聞到濃郁羅勒香草醬味 加上望落熱氣騰
銅鑼灣怡和街42-44號華人銀行東區大廈2樓
-----
好友生日 上網見到呢間銅鑼灣樓上西餐頗多好評 地點方便 鄰近SOGO 同皇室堡 方便我地食完逛街 所以就揀左呢度同佢慶祝 上黎發現餐廳內部環境比起係外墻睇靚 每張枱仲有一盞可以調節光度嘅小燈 感覺非常浪漫💕呢度一共有11款Signature dinner 價錢由$238-$338不等 每個Set都有包餐包 自助沙律吧 龍蝦湯及飲品
-
◆餐包：麵包係哋自家製造 烤熱過之後再拎出黎 食落暖暖地 質感鬆軟 還不錯
-
◆自助沙律吧（跟餐送）選擇話多唔多 話少唔少 有沙律菜 哈密瓜 新鮮菠蘿 番茄仔 粟米粒 粟米芯 秋葵 橄欖 薯仔沙律 水果沙律 熟蝦 番茄酸瓜洋蔥醬青口 青瓜 紫洋蔥 麵包糠等等 整體質素幾高 尤其推介凍青口同新鮮菠蘿 前者調味清新 後者鮮甜多汁😋
-
◆龍蝦湯（跟餐送）：質感稠身 龍蝦鮮味突出 飲落幾creamy 底部有啲蝦粒 增添口感 另外可以係沙律吧自己攞啲麵包糠加落去 鍾意食幾多就攞幾多😙
-
◆非凡鮮羅勒香草醬海鮮扁意粉（$238）一上枱已經聞到濃郁羅勒香草醬味 加上望落熱氣騰騰表面鋪滿海鮮 感覺非常吸引 意粉份量幾多 材料有蝦 魷魚 黃椒 紅椒 洋蔥 蘑菇同三文魚等等 扁意粉軟硬適中 條條都均勻沾上羅勒香草醬 食落同聞落一樣 羅勒香味突出 整體非常高質
-
◆香煎格陵蘭比目魚配清新柚子汁（$228）兩大塊比目魚煎得皮脆肉嫩 以味道清甜嘅特調柚子汁做調味 特別得黎幾解膩 比目魚下面有幾條露筍同大量紫薯泥作伴碟 紫薯泥質感綿密 無加太多調味 味道天然得黎好飽肚
-
♥︎之所以揀呢間餐廳 仲有一個搞笑原因 就係上網搵餐廳時候發現 呢度嘅主廚有上過「都市閒情」教人煮西餐🤣而B仔細個曾經係「都市閒情」忠實粉絲呢！（成日陪啊媽睇🤣）
-----
👶🏻B仔整體評價：8.1/10個👍🏻
👶🏻B仔抵食程度：7.5/10個👍🏻
👶🏻B仔環境評分：8/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
#swallowhongkong
跟住我一齊吞食香港啦！🤤
#swallowcwb
Post
