火鍋煮場 (Closed)

D friend話黎呢間在深水埗的火鍋店打邊爐，因為佢D德國啤酒$10一支超抵飲。先來象拔蚌刺身，都幾新鮮，而且比想像之中多，好似食極都仲有咁。打邊爐點可以無牛呢？我地今晚手切食本地牛頸脊，D牛肉味比較濃，另一個鍾意本地牛的原因就係貪佢夠新鮮。除了牛頸脊，我地仲叫咗牛白肉，淥一淥就食得，幾爽幾好食。佢有黑柏葉梗係要叫黎試吓啦，新鮮好味，我自己就鍾意黑柏葉多過白色的牛柏葉。魷魚鬚爽口彈牙，佢呢隻魷魚鬚幾好，淥完唔會縮細。佢個水餃都唔錯，自家製，入面D料幾新鮮。我地試晒佢9款啤酒，覺得呢3隻都幾好飲，中間嗰支係零酒精啤酒幾過癮，$10一支真係超值。