Hands-On Coffee (Closed)

在訂座app訂位11:30 有散叫食物50%off，所以好抵食叫左三文魚海撒沙律、黑松露薯條(粗薯)、白酒忌廉煮青口、茄汁海鮮扁意粉、甜品一份、再一人一杯野飲，埋單$430野食都幾好味的，係青口熟左d。唔太好的是呢間Cafe 的枱同擺位。餐廳的枱全部都係圓形，分大圓同細圓。細圓其實啱一人用，大圓就介乎2-3人，其實三人如果係share野食再同時叫埋杯野飲，就一定唔夠位放，但自己食自己果碟，全枱得三隻碟就ok，皆因佢的碟都係大隻阻位的。我地一行四人，佢安排四張小圓枱拍埋... 即係中間有個窿咁 ，又會同對面隔到好開，我地就轉左張大枱 which 四個人坐好逼，我地仲叫咁多野食... 於是問下可唔可以拍多張大枱，咁餐廳係唔畀的（我地都明，如果拍左，佢會少左張三人枱的單），最尾佢拍左張細圓枱畀我地。雖然怪d，但都叫解決左，放得哂d野食。除左間野係中國移動旗下，同埋d枱怪d之外，其實間餐廳食野-wise都OK的。