饕牛記 (Closed)

凍凍地個fd約去打邊爐, 佢地話黎呢間, 主打食全牛, 既然未食過就是但.入面地方唔大, 枱與枱都好貼, 枱面唔多位, 擺左個鍋都擺唔到野食.  而且間野好應聲, 一路食一路都覺得好嘈, 街市一樣.湯底祗有5款用牛制既鍋, 睇完真係無咩可以揀, 唯有簡單就是好, 揀左牛骨清湯鍋.清湯得黎一滾起好多油, 感覺好肥膩, 而且無咩味, 完全無牛骨或者肉骨既味道, 衰過比兩片昆布, 至少唔會咁油先.要左幾款手切牛, 款款都係薄切, 食落完全無口感, 食早餐碗沙爹牛麵仲厚過呢度D牛, 仲收成88蚊碟.至於牛味就唔多覺, 靠點豉油先叫有D味, 越食越無引, 成晚都唔知食左咩落肚.