生記鮮魚湯米線 (Closed)

話說今日唔記得帶飯，就試下呢間魚湯米線啦！大概一點半去到一入就有位啦。叫左個炸豬頸肉魚湯米線，五分鐘就黎到，夠晒快手。望落去D湯唔算好奶白，有小小深色，飲落就不過不失，可能我比較鍾意濃郁D既魚湯，呢個對我黎講略嫌太稀太水。到D米線啦，望落去正常，點知我一夾⋯⋯d米線斷哂！！！！！！！我夾每一次都斷，最後要用匙畢黎食喂魚湯米線喎，米線都算係半個主角呀，點解咁對佢先？！米線無咬口，真係同食pat米糊無分別，我諗係煮到過左火位，所以林晒，真係林到唔洗咬，用條脷一晏就爛。好彩，D炸豬頸肉都OK，浸左好耐湯麵無話林到，歸功於佢少少炸漿都無用，直接生炸，外皮浸幾耐都仲硬，雖然稱唔上係脆，不過浸左湯都KEEP到咁算好好，食落仲好夠豬頸肉油香味，如果下次黎會直接叫個炸豬頸肉小食。但礙於D米線粉碎左我既食慾，真係喊住咁食，真係有機會再黎食都只會試泡飯。