恆河咖喱屋 (Closed)

我今日同男朋友黎食左一個２人套餐１５２蚊（連１０％），有２個湯，一碟炸什菜（薯仔，西蘭花同青椒），一煲咖哩雞，一碟鐵版雞，一碟蕃茄薄餅，，兩個甜品，２杯餐飲全部ｄ水準都好好，特別甜品，好好食呀，我同男朋友食完都飽，但又唔會飽都好辛苦，即係ｄ分量岩岩好，可能我地夜去，所以冇麥人，得兩圍包括我地ｄ　ｓｅｒｖｉｃｅ我覺得ｖｅｒｙ　ｇｏｏｄ呀，ｄ印度人好有禮貌同ｄ野黎得好快，收野都收得好快，因為我掛住望電視唔理我男朋友，個印度侍應曾經多次想聊我男朋友傾計而且我男朋友之前係果邊返學，ｌｕｎｃｈ成日都黎食（佢今次第一次黎食晚飯），佢話ｌｕｎｃｈ完全唔同，特別係杯飲品，係勁大杯，而且個印度廚師見你唔識點食ｄ野會走過黎教你點食架！