小王牛肉麵 (Closed)

見呢度新開所以試下，點知換黎一肚氣。首先係門口等左 15-20 分鐘，正值 1930 晚飯時間，要等無可厚非。之後一坐低就立刻落單。等左20 分鐘，見到隔離枱遲過我地入黎都已經有碗麵上枱。Fine,, 好心提下個 女侍應 係咪未落單，佢話出緊單，等陣。過多 10分鐘，有個類似經理既男人 問其他侍應 我地係咪新枱。果下真係燥左。明明無落單，提佢又吾check下，仲呃我地話出緊單。姐係我地 前後加埋等左 成個鐘都未有野食。最後我地問多次佢先講話未落單!! 過份!! 先吾好講間野 d食物好無食，咁既服務態度，我理得你好食到曉飛又如何??! 離譜。之後我地一怒之下，同佢講未落單就吾駛落啦，哂哂我地d時間!! 其實果層大把野食，大家無必要要食呢間野。我相信如果 貴店經理見到我呢篇食評應該知道我地係邊枱，我諗你都吾會吾記得你地咁劣質既服務! PS: Openrice cs 要求本人撰寫餐廳食物味道才可為餐廳評分。既然係咁，一句: 嬲到食之無味。