Video
Read full review
2022-12-10
111 views
我周不時會去D2 Place睇戲，所以商場啲餐廳我都近乎食匀晒。之前行經一期地下，都會留意到有個室內Golf場⛳️，今日好奇望都幾望，店員就熱情介紹呢度其實仲有餐廳「Eris's Kitchen」，唔使打Golf都可以幫襯。我哋見週末午餐都係百幾蚊就有交易，一試無妨吖😜。環境方面，食嘢嘅地方旁邊就有人玩緊，成個場幾熱鬧，但就稍為嘈啲啲。不過原來打Golf係行會籍制，同餐廳各自運作。午餐包括頭盤同沙律吧任食，雖然自助區面積唔大，不過嘢食就好充足，而且又會補充，一啲都唔孤寒👍。頭盤有意大利風乾火腿同辣肉香腸🥓，兩者鹹香味濃兼開胃。佢哋並非薄切，所以食落幾有滿足感。同時，仲可跟配哈蜜瓜一齊食🍈。沙律部份選擇多🥗，食材新鮮，可自行Mix & Match，包括有青瓜蕃茄、薯仔🥔、生菜葉、芝士粉、麵包脆糠同各款醬汁等。餐湯有兩款，分別係🎃南瓜甘筍湯同忌廉薯蓉湯，味道中矩中舉，唔油膩，最緊要夠熱。聽講呢度連餐包都係自家焗製，但可惜今日未有機會食到。海蝦煙肉醬油漬三文魚籽海膽汁意大利麵($158/午餐價)，🍝意粉呈金黃色，賣相超靚，香氣撲鼻，可以形容係色香味俱全。扁意粉口感彈牙又掛汁，醬汁用海膽整成，再
我周不時會去D2 Place睇戲，所以商場啲餐廳我都近乎食匀晒。之前行經一期地下，都會留意到有個室內Golf場⛳️，今日好奇望都幾望，店員就熱情介紹呢度其實仲有餐廳「Eris's Kitchen」，唔使打Golf都可以幫襯。
我哋見週末午餐都係百幾蚊就有交易，一試無妨吖😜。環境方面，食嘢嘅地方旁邊就有人玩緊，成個場幾熱鬧，但就稍為嘈啲啲。不過原來打Golf係行會籍制，同餐廳各自運作。
午餐包括頭盤同沙律吧任食，雖然自助區面積唔大，不過嘢食就好充足，而且又會補充，一啲都唔孤寒👍。
頭盤有意大利風乾火腿同辣肉香腸🥓，兩者鹹香味濃兼開胃。佢哋並非薄切，所以食落幾有滿足感。同時，仲可跟配哈蜜瓜一齊食🍈。
沙律部份選擇多🥗，食材新鮮，可自行Mix & Match，包括有青瓜蕃茄、薯仔🥔、生菜葉、芝士粉、麵包脆糠同各款醬汁等。
餐湯有兩款，分別係🎃南瓜甘筍湯同忌廉薯蓉湯，味道中矩中舉，唔油膩，最緊要夠熱。聽講呢度連餐包都係自家焗製，但可惜今日未有機會食到。
海蝦煙肉醬油漬三文魚籽海膽汁意大利麵
$158
2 views
0 likes
0 comments
海蝦煙肉醬油漬三文魚籽海膽汁意大利麵($158/午餐價)，🍝意粉呈金黃色，賣相超靚，香氣撲鼻，可以形容係色香味俱全。扁意粉口感彈牙又掛汁，醬汁用海膽整成，再加埋爆漿醬油漬三文魚籽，雙重鮮味🤤。餸料方面，有煙肉粒同海蝦，蝦唔算巨型，不過好新鮮，兼且爽彈🦐。
芝士粟米帶子意大利飯
$158
5 views
0 likes
0 comments
芝士粟米帶子意大利飯($158/午餐價)，🍚Risotto感覺正宗，米粒半生熟嘅質感好得意，而且索滿汁。醬汁富芝士鹹香，再混入粟米粒🌽、煙肉粒、四季豆同百合等，食落幾豐富，亦唔算漏。帶子質素高，好鮮甜。另外仲有啲好似米通嘅脆餅，鹹鹹的，原來係焗脆咗嘅芝士🧀，好有心思！
玫瑰花蜜糖烏龍茶
2 views
0 likes
0 comments
總括嚟講，經過今次之後，我認為D2 Place其中一間必食嘅餐廳係Eris’s Kitchen👨🏻🍳。食物出品相當有水準，而且價錢亦算合理，比起隔離嘅億利工廈還要平。最後，店員們服務態度親切有禮，又會主動介紹菜式同問及意見，抵讚😊。
Post
