酷廚 (Closed)

去完做運動，辛苦左一日，好想食餐好啲，朋友就帶左我去依間餐廳試下。首先，我自己就叫左個煎帶子黑松露雜菌扁意粉，味道幾好。用黑松露黎帶出個香味，再加上個汁夠曬creamy。唯一可惜既位就係帶子煎耐左少少，但冇影響整體分數。而朋友今次就叫左菠菜蟹肉鵝肝意大利飯，一上枱已經比香味吸引，飯質好淋，菠菜同蟹肉既配搭都好夾。另外，餐廳枱會有一支水，而水杯個啲都會以自助形式去攞，同埋自助區都有好多唔同既調味料比客人選擇。