Little Break Coffee & Kitchen (Closed)

抵食指數：🎀環境：🎀🎀🎀回頭：🎀🎀（最高分5個🎀）約個朋友見面飲杯咖啡，見到D2 place ONE後面個條街有呢間好有文青feel既cafe，於是決定入去試下。由於今次只係搵個舒服既地方傾下計，所以只係點左甜品加咖啡。環境方面，Cafe 以白色為主調，簡約的設計配木色傢俬，好岩打卡。70%魔鬼可可熔岩配雲呢拿雪糕 $79朋友減緊肥但又為食想食甜品，於是揀咗冇咁邪惡嘅70%朱古力心太軟，唔太苦好易入口，成功做到流心既效果👍🏻 草莓乳酪芝士蛋糕 $61呢個芝士味/乳酪味都好淡，似士多啤梨慕絲蛋糕多啲，個餅底有啲散，所以如果鍾意食芝士蛋糕嘅唔太推薦呢款。Americano $30其實入到黎已經聞到好香既咖啡味，於是點咖啡豆味會比較突出既americano，我同朋友一人一杯，咖啡味夠濃，唔會苦澀，值得一讚。咖啡屬於合理價錢，但甜品認真有點貴，做得又不算很出色，所以不太值這個價錢。但環境同咖啡都值得一讚，下次都會想試下佢地既主菜。