Food Garden ETC (Closed)

D2Place雖然位於荔枝角工商廈區，附近亦只得D2Place 一期同二期，較為單調，但經羅氏集團的細心規劃同活化，確實令D2Place生息不少，更吸引到一眾年輕一輩到依度遊覽同搵好嘢食。上星期六我亦到去咗D2Place、除咗行商場，同去CGV睇戲，當然唔少得食好嘢啦。今日就想同大家分享一下D2Place 一期3樓嘅Food Garden ETC。Lunch Set 價錢一啲都唔貴，去到美國牛肩肉同加拿大猪鞍架都只係$138，仲有餐湯或沙律、同埋飲品。店鋪闊落、坐得都好舒服。前菜：是日餐湯係南瓜湯、餐湯附有餐包。餐包入口有香草味，平凡得嚟有特式。南瓜湯味道適中。藜麥田園沙律 - 沙律菜好清新，再配合好健康嘅藜麥，一個唔錯嘅沙律。主食：其實主食都算多選擇，豬、牛、雞、魚、龍蝦、素食；意粉、漢堡等等。我哋就點咗美國牛肩肉同加拿大猪鞍架。美國牛肩肉 - 餐廳預設五成熟，客人可按自己喜好而要求調整。我就keep返五成熟。美國牛肩肉煎得好靚、建議大家先食配菜，等牛肩肉rest一陣。配菜嘅西蘭花、脆肉瓜等有落蒜蓉烹煮、食落唔好覺得淡味。牛肩肉一切開，即見外脆內嫩嘅粉紅色、封煎得好好，牛肉味亦好香。