Darci by Aldou (Closed)

呢晚去咗Darci by Aldou，入面環境唔錯，樓底又夠高。牆上嘅花藝佈置好靚，女仔應該會鍾意。我哋試咗佢哋嘅海鮮拼盤，分別有時令生蠔、松葉蟹腳、翡翠螺、南美熟蝦同半殼青口。各款海鮮插晌碎冰山之上，賣相都幾吸引。生蠔爽口海水味明顯、松葉蟹腳鹹鮮、南美熟蝦係中型大小、翡翠螺同半殼青口彈牙，同埋可以加醬汁或唧啲鮮檸檬汁嚟提味。另外叫咗兩款飲品試試，Pineapple & Coconut飲落菠蘿甜香味較突出，當中帶微微椰香，味道討好。Mixed Berry Yogurt就灑咗啲士多啤梨薄片點綴，入面仲有大量雜莓碎，乳酸味濃郁。兩款飲品都有鮮忌廉同薄荷葉做裝飾，質感綿密輕盈，都唔錯。