Lucullus Chocolate Cafe (Closed)

因為自己鍾意食朱古力，又買朱古力蛋糕同友人慶生。今次無預訂，好在有貨。呢個朱古力蛋糕($319)，無我心目中嘅72%朱古力咁濃味，不過唔緊要，夠滑，夠朱古力味，脆脆層無硬實實，蛋糕面嘅水果唔太酸唔太甜，同個朱古力蛋糕好夾，整體味道好，就唔好理佢夠唔夠72%啦。龍島呢個朱古力蛋糕雖然好味，但未及Paul Lafayet嘅特濃朱古力脆餅好食到跳舞，不過份量就夠，切咗幾份，每份都仍然有些少件頭睇下。蛋糕面嘅朱古力牌唔會好似美心果啲預咗唔食，因為朱古力牌都係好味朱古力。