Video
Read full review
2015-03-18
684 views
話左要green monday 好耐，呢間一心素食就係公司後面，之前已經有同事話佢既下午茶好抵，＄9 就搞掂又平又健康，份量又岩岩好終於都的起心肝，放工去試下，講真一來想健康d，二來係觀塘呢個工廠區夜晚唔使點等位，坐得舒服d原本三樓係西餐，而家改成素食，但夜晚時段人流都唔算少（當然無午市咁旺啦！），唔使等位就坐低左。。。立眼見到第二枱d份量都好大，三個人就叫2個set 加小食啦！餐牌設計好細心，寫明邊啲有奶，邊啲有蛋，岩晒唔同素食者需要，我呢啲齋口唔齋心嘅，當然咩都叫一餐啦！雜錦小食拼盤 － 即係酥炸雜菇，新鮮炸，熱辣辣，炸漿好脆，菇又鬆軟多汁，加上微酸既醬，吊一吊味，食多幾舊都無問題前菜 － 沙律、百穀方包＆湯，平時我習慣飲白湯，因為覺得紅湯d肉味好蘇，點知呢個紅湯料足微辣，好飲到我搶左老公個碗黎飲！XD主菜黎啦！七彩雜菌釀大菇伴薯蓉平時食開果啲，會用牛油煎，香但會好膩，食食下就會食唔落呢度嘅大磨菇少有乾身juicy, 啖啖菇肉加埋芝士同伴菜，perfect match!法式忌廉時蔬千層麵味道豐富，層層雜菜加埋蕃茄焗，真係食唔停!估唔到素菜都咁好味百年好合炒花枝一向我都唔太喜歡仿肉，
終於都的起心肝，放工去試下，講真一來想健康d，二來係觀塘呢個工廠區夜晚唔使點等位，坐得舒服d
原本三樓係西餐，而家改成素食，但夜晚時段人流都唔算少（當然無午市咁旺啦！），唔使等位就坐低左。。。立眼見到第二枱d份量都好大，三個人就叫2個set 加小食啦！餐牌設計好細心，寫明邊啲有奶，邊啲有蛋，岩晒唔同素食者需要，我呢啲齋口唔齋心嘅，當然咩都叫一餐啦！
雜錦小食拼盤 － 即係酥炸雜菇，新鮮炸，熱辣辣，炸漿好脆，菇又鬆軟多汁，加上微酸既醬，吊一吊味，食多幾舊都無問題
前菜 － 沙律、百穀方包＆湯，平時我習慣飲白湯，因為覺得紅湯d肉味好蘇，點知呢個紅湯料足微辣，好飲到我搶左老公個碗黎飲！XD主菜黎啦！
七彩雜菌釀大菇伴薯蓉平時食開果啲，會用牛油煎，香但會好膩，食食下就會食唔落
呢度嘅大磨菇少有乾身juicy, 啖啖菇肉加埋芝士同伴菜，perfect match!
法式忌廉時蔬千層麵味道豐富，層層雜菜加埋蕃茄焗，真係食唔停!估唔到素菜都咁好味
百年好合炒花枝一向我都唔太喜歡仿肉，不過食素嘅同事堅持要我試下，就試下啦，點知一食， 心諗…你玩嘢吖，根本係魷魚味! 點會咁似?! 平時我食果啲仿肉，全部都要落好濃味嘅調味，講真食味唔係食齋，而且勁多味精…呢道菜咁清，完全食到原味!好正, 我同素食者距離又近一步!
必食! 日式金栗紫薯餅!明知個餐有甜品都要食! 呢個薯餅炸出黎乾身一啲都唔油，放耐左都一樣咁脆，而且紫薯甜度岩岩好，夾埋個勁香嘅金栗! 雖然已經好飽，但都要食， 食唔停!!!
甜品 - 紅豆百合蓮子糖水， 唔太甜而且好足料
芒果千層糕-中間用左芒果雪芭，都幾特別
加$9有鮮果汁，叫左五青汁同檸蜜雪梨汁，啖啖菜/果肉，好滿足整體而言，一心素食絕對係一間有心嘅餐廳，細節位做得好好，而且味道喜出望外，即使唔係素食者，都好岩食! 而且選擇好多，有西有中，真係可以day day 都green!
Post
