Video
Read full review
2020-02-17
1868 views
Soul Food #中環又到咗black series嘅時候啦🤩🤩🤩可以以優惠價食到black sheep🐑旗下嘅餐廳，佢哋有各種唔同格調、菜式、價位嘅餐廳，較為耳熟能詳嘅包括今次食嘅Fukuro、La Vache!、米芝蓮一星嘅Belon，仲有我上年試過覺得超好食嘅阿根廷菜Buenos Aires Polo Club！今次呢間價格價格親民啲，主打泰國菜，雖然冇佢旗下其他餐廳咁出名，但食物同樣高質。無論係前菜、主菜、定係甜品都係咁好食！而且仲要一道好食過一道！$198/1前菜🔶Chicken Satay 椰香沙嗲雞🐔- 雞肉、椰奶、紅咖喱、花生醬🔷Spicy Papaya Salad 香辣青木瓜沙律🥙- 青木瓜、豆角、番茄、花生、蝦乾沙嗲雞串烤得夠香，青木瓜沙律酸酸甜甜好開胃！主菜🔶Drunkard’s Noodles 醉炒海鮮河粉🍤- 炒辣河粉、魷魚、大蝦、九層塔、泰國青檸葉呢道算係fusion，採用嘅河粉較特別，較一般嘅闊、煙韌，配上各種海鮮同埋香料，炒得好香，富有九層塔嘅香氣，帶少少香辣，夠晒惹味。🔷Stir-fried Morning Glory 泰式炒通菜🥬- 通菜、香蒜
又到咗black series嘅時候啦🤩🤩🤩可以以優惠價食到black sheep🐑旗下嘅餐廳，佢哋有各種唔同格調、菜式、價位嘅餐廳，較為耳熟能詳嘅包括今次食嘅Fukuro、La Vache!、米芝蓮一星嘅Belon，仲有我上年試過覺得超好食嘅阿根廷菜Buenos Aires Polo Club！今次呢間價格價格親民啲，主打泰國菜，雖然冇佢旗下其他餐廳咁出名，但食物同樣高質。
無論係前菜、主菜、定係甜品都係咁好食！而且仲要一道好食過一道！
$198/1
前菜
🔶Chicken Satay 椰香沙嗲雞🐔
- 雞肉、椰奶、紅咖喱、花生醬
🔷Spicy Papaya Salad 香辣青木瓜沙律🥙
- 青木瓜、豆角、番茄、花生、蝦乾
沙嗲雞串烤得夠香，青木瓜沙律酸酸甜甜好開胃！
主菜
🔶Drunkard’s Noodles 醉炒海鮮河粉🍤
- 炒辣河粉、魷魚、大蝦、九層塔、泰國青檸葉
呢道算係fusion，採用嘅河粉較特別，較一般嘅闊、煙韌，配上各種海鮮同埋香料，炒得好香，富有九層塔嘅香氣，帶少少香辣，夠晒惹味。
🔷Stir-fried Morning Glory 泰式炒通菜🥬
- 通菜、香蒜、辣椒
超有鑊氣，每次個廚師炒通菜嘅時候成個廚房都會着晒火，單單用咗蒜蓉同埋辣椒就整到成個通菜都好香，冇諗過連菜都可以煮得咁好食。
🔶Beef Brisket Penang Curry 檳城咖喱牛腩配Jasmine rice絲苗白飯🍛
- 牛腩、新鮮椰醬、燒菠蘿、烤花生
咖喱食落去冇望咁辣，但係好香椰醬同花生味！加上佢嘅菠蘿係事先燒過，非常香甜，配上肉質軟腍嘅牛腩，真係停唔到口。
甜品
🔷Coconut Ice cream 椰子雪糕🍨
- 椰子雪糕、鹽味椰糖焦糖、花生
係我食過最好味嘅椰子雪糕！食落去好似食緊淡淡椰絲，感覺到佢真係用椰子榨出嚟！佢嘅焦糖花生醬簡直係畫龍點睛，鹹鹹地配埋超級香口嘅花生，同個椰子雪糕絕對係絕配！回味無窮。
呢間算係black sheep入面較為平民嘅餐廳，$200就已經食到咁多道菜，真係飽到上心口🥰而且食物質素好高，真係每一碟餸都唔會令你失望！
67 views
0 likes
0 comments
81 views
1 likes
0 comments
130 views
1 likes
0 comments
75 views
0 likes
0 comments
75 views
0 likes
0 comments
Post
