AGE Cuisine Express (Moved) New Location

之前同同事黎過呢度食lunch，覺得都ok，所以今晚同兩個姊妹gathering，都揀左呢度，因為氣氛幾好，坐得舒服，適合談心~幾個女仔胃口都比較細，所以只揀左d比較輕量級既dish開心share，而令我地最興奮既係呢度既甜品，一人一款好滿足：菠蘿雪芭以原個菠蘿上枱，視覺上已經好滿足，自然要畀相機食先啦~雪葩口感類似雪糕，但食落比雪糕更消暑，感覺亦較雪糕健康同鮮甜清新。菠蘿完全消滯，可以好好舒緩食飽既腸胃，作為飯後甜品最好不過~朋友係近期全城瘋狂既芝士撻忠粉，黎到呢度都要食返d類似既傳統意大利芝士蘋果撻。香濃芝士加上香甜蘋果醬焗製成既芝士撻底，口感鬆脆，配埋幼滑吉士忌廉同各款鮮果，清甜滋味。意式奶凍配藍莓汁的玻璃杯透出奶白配深紫既靚靚組合，好有藍莓cheese cake既影子。奶味都幾濃郁，食落滑溜呢，厚稠質感幾近cheese cake，啖啖果肉平衡口感，相當清新。We love dessert!!~