Mamaday (Closed)

六點多去到，要等8張枱，可以留低電話有位時職員致電，喺附近行左約1小時番去等左一陣就有位。門口有啲打咭位，特別係塊鏡寫住diet (noun) always start tmr，完全反映好多人對減肥既心態。疫情關係，枱與枱隔得闊，2人被安排坐4人枱，中間沒有使用隔板，可以食得安心。店內有好多細緻位適合打咭，最喜歡係呢張紙巾。好耐冇食過豆腐雪糕，個雪糕重豆腐味，加落咖啡又幾好味，雪糕融左混合咖啡個口感變左奶昔，而且中和了咖啡的酸味，不錯！蟹肉蟹膏意粉不錯！至於饅魚蛋包飯就好似鋪頭名咁麻麻地，因為佢好重麻油味🤣喜歡麻油的朋友會喜歡！