Video
Read full review
2021-09-10
323 views
近來工作太忙，好多時連週末都被工作塞到滿滿。好想偷得浮生半日閒，但近來，真係唔容易。今日，難得可以係假期出門悠閒逛街，當然想同太太搵個舒適的地方，食好啲，滿足一下自己。當我哋良德街一帶搵緊食咩嘅時候，見到一間係轉角位，隱約望到招牌，名字叫《Dineland》。瞬間吸引左我嘅注意，因為我好鐘意Disneyland，名有相似，有感而發。從外面望入去，地方不大，設計不俗，同同區其他餐廳有唔同嘅風格。人又唔多，決定同太太入去試下。當日，太太揀左意式煙燻豬腩肉卡邦尼意粉。太太平常都唔係好鐘意食肉，但係今次難得佢話啲煙肉好好食，我哋詢問底下先知，原來佢哋用嘅豬腩肉係真正意大利豬腩肉，不論香氣定口感都同煙肉片天淵之別。不膩不油，口感順滑，對此評價十分高。但缺點始終唔係羊奶芝士，不過價錢所限，一分錢一分貨，屯門地區已屬一流。當日，我揀嘅係慢煮西班牙豬鞍扒配蜜糖芥末籽醬，起初以為豬胺扒同普通豬扒無分別，結果發現豬鞍扒如同豬斧頭扒，不論厚度，口感都同認知中嘅豬扒唔同。肉質鮮嫩多汁，蜜糖芥末籽醬味道酸酸甜甜，十分開胃。此薯條非彼薯條，薯條但係有薯格薯餅嘅味道，真係大開眼界，但可惜沙律菜濕度較高，無脆嘅感覺，
意式煙燻豬腩肉卡邦尼意粉
$78
17 views
0 likes
0 comments
當日，太太揀左意式煙燻豬腩肉卡邦尼意粉。太太平常都唔係好鐘意食肉，但係今次難得佢話啲煙肉好好食，我哋詢問底下先知，原來佢哋用嘅豬腩肉係真正意大利豬腩肉，不論香氣定口感都同煙肉片天淵之別。不膩不油，口感順滑，對此評價十分高。但缺點始終唔係羊奶芝士，不過價錢所限，一分錢一分貨，屯門地區已屬一流。
慢煮西班牙豬鞍扒配蜜糖芥末籽醬
$148
15 views
0 likes
0 comments
當日，我揀嘅係慢煮西班牙豬鞍扒配蜜糖芥末籽醬，起初以為豬胺扒同普通豬扒無分別，結果發現豬鞍扒如同豬斧頭扒，不論厚度，口感都同認知中嘅豬扒唔同。肉質鮮嫩多汁，蜜糖芥末籽醬味道酸酸甜甜，十分開胃。此薯條非彼薯條，薯條但係有薯格薯餅嘅味道，真係大開眼界，但可惜沙律菜濕度較高，無脆嘅感覺，不過整體表現已經獲勝。
脆皮德國鹹豬手配蜜糖黑椒汁
$98
22 views
0 likes
0 comments
本身以為唔夠食，叫多左個豬手，結果豬手體積完全嚇壞我同太太，有我太太兩個拳頭大，上碟瞬間兩人即刻後悔，到最後果然食唔完，只好勞煩店員包起帶走，但豬手表皮脆卜卜，肉質尚嫩，敗筆係無曬蜜糖黑椒汁，只能配蜜糖芥末籽醬，但餐廳仍處於試業階段，無謂強求他人。
整體表現，環境，服務，食物質素，都比起同區高出一段距離，價格合理，而且仲有生蠔提供，但我同太太都對生蠔一般，但鄰桌對生蠔讚美有加，大廚亦同我哋解釋，佢係問供應商拎最好嘅三款蠔，售完即止。此話真假，生蠔味道如何，本人無法評論，希望其他為食家可以幫忙求證。
Post
