五武士 (Closed)

我好鐘意食鐵板燒，之前見五武士個鐵板燒都貴，不過見dining city 做緊特價，$498就有一個晚市set, 有蝦、有鮑魚，豬肉卷， 飯同甜品，環境又唔差，所以就諗住試下。 本身個set係有牛肉，但去到話牛肉無貨，轉左豬肉或者叫我地可叫原有set改做A5 和牛，但一家本住試下既心憑， 食返dining City揀既set。 第一道菜係鮑魚，切晒片再燒，好好食同香口。之後係燒大蝦， 但大蝦係7成熟，所以如果鐘意食全熟既就要同餐廳講。 食完蝦就係蔥豬肉卷， 個豬肉好juicy 同埋都包住好多蔥，好好味。最後係個主食，個炒飯主要係菜同有少少白飯魚，都有一碗飯，炒得都香口同乾身，唔多油，好好食！ 最後甜品係黑糖黃豆粉水信餅，甜品唔太甜，水信餅好爽口，加埋黑糖黃粉，唔會太甜，好味。但係就唔算好飽。