萬豪咖啡室 (Closed)

我地去到未有位, 職員請我地係近門口張梳化度坐住等, 仲攞埋報紙雜誌俾我地睇. 入座後檯面仲放左濕毛巾方便客人用手食海鮮 (唔係濕紙巾喎). 職員都好有禮貌. 不過餐廳裝修好舊, 樓底矮, 好嘈, 同對面個朋友講野都好似鬧交咁. Buffet檯好細, 得幾個counter, 好彩都有唔少貴價食物.可惜八點半已經無晒 Caesar Salad, 好失望, 個師傅竟然同我講無晒菜, 咁大間酒店竟然無菜? 個番茄沙律超酸, 盲公都開眼, 仲要用D質素好差既醋黎撈番茄沙律. 刺身壽司冷麵完全唔掂, 一睇就知唔新鮮, 見到都唔想食, 連個壽司師傅都唔知前面擺係度果D係咩卷, 我問佢呢D係咩? 佢要攞起個卷物望下個底, 睇唔清楚再攞第二件睇, 仲要唔係好肯定咁答我應該係三文魚卷.海鮮選擇都算多, 仲有貴價既龍蝦同麵包蟹, 肉蟹好好肉, 好鮮甜. 有幾種貴價熱盤任食, 有鮑魚, 花膠, 上湯龍蝦拑, 石斑魚等等. 咖喱有三種, 咖喱豬肉最好食, 炸蝦片好脆, 好好味, 似係自己新鮮炸, 唔似買返黎果D. 甜品好弱, 賣相同顏色已經唔靚, 重要味道都好差, 連最基本既cheesecake都唔得, 好失