Grubers (Closed)

今日屋企人上左大陸玩，我地冇飯開 !! 突然間醒起戲院入面有間 BURGER 店 !! 決定試一試 !!! 黎到冇咩人，入座後睇下有咩想食，原來都好多選擇，由漢堡肉開始已經好多野選 !! 漢堡肉有5款俾你選擇，我選左 松露漢堡肉 + 磨菇 配 炸雞塊。隻佬選左 松露漢堡肉 + 脆洋蔥 配 炸薯條 !! 飲野本來我都想飲奶昔，最後佢地話自己既茶係自制，我就選左凍檸茶 ~~ 哈哈 !! 而隻佬就飲士多啤奶昔 !!等左一陣就有野食喇 !! 個包好香脆 ~~ 塊肉值得一讚，除左入面 JUICE 之外，個厚度唔會太厚又唔會太薄 !! 入面仲好香松露味 !! 好正 ~~ 個包仲有蕃茄同芝士生菜 !!另外炸雞塊我覺得佢係好味話老麥架下 ~~ 不過佢冇醬汁配埋 !! 淨食 OR 茄汁都 OK ~~ 薯條應該係原隻炸 !! 吸引度大增 !! 外表炸得好香口 !! 入面既薯蓉好夠 !! 薯條係粗既都真係好正 !!個奶昔應該係用雪糕打 !! 個士多啤味唔算假 !! 都好味 ~~ 下次可以試其他味道 !! 至於我既凍檸茶冇乜特別 ~ 下次都係幼昔算 !! 哈哈 ~~