Video
Read full review
2018-10-02
144 views
位於旺角一幢細細地嘅大廈，如果唔係有易位架同埋傳單宣傳，可能真係會錯過一間咁正嘅樓上餐廳！環境舒適，佈置精美，可以坐到10幾枱客人。一個dinner set包括餐前飲品、餐湯配蒜蓉法包、餐前小食、沙律、主菜、甜品、飲品，每樣野份量唔算多，但係勝在夠豐富，一個set已經試足哂咁多款美食。餐前飲品係鮮果沙冰，芒果味比較重，酸酸甜甜。 餐湯我揀咗蘑菇濃湯，香滑之餘仲有細細粒嘅蘑菇，增加口感。而蒜蓉法包焗得脆口，蒜蓉味適中，點上蘑菇湯一流~餐前小食新出咗幾款，我點咗芝士神秘波波卷，本來以為係炸芝士球，點知原來外面係青瓜片，入面係紫身爽口嘅瓜，上面放咗一粒芝士，整體黎講好清新，夠哂神秘。沙律揀咗溫泉蛋蟹籽沙律，溫泉蛋流心，落咗黑醋，好開胃。終於輪到主菜慢煮安格斯牛柳，好似一個拳頭咁大，切開見到外圈係熟透，而入面係仲有少少血色嘅牛肉，穩穩咁鎖住肉汁，非常鮮甜。牛柳紋理分明，好”淋”，食得出係用心咁慢煮出黎。再配上墨魚汁冷麵，上面灑咗蟹籽、黃瓜絲同埋木魚碎，撈咗麻醬。估唔到墨魚汁都可以配冷麵，又幾夾。冷麵非常長，唔知係咪手打嘅呢？甜品加錢叫咗香芋慕絲蛋糕，賣相精緻，上下層係類似啫哩，中間嘅慕絲有香芋
環境舒適，佈置精美，可以坐到10幾枱客人。
一個dinner set包括餐前飲品、餐湯配蒜蓉法包、餐前小食、沙律、主菜、甜品、飲品，每樣野份量唔算多，但係勝在夠豐富，一個set已經試足哂咁多款美食。
蒜蓉法包、餐前小食、沙律
16 views
0 likes
0 comments
慢煮安格斯牛柳、墨魚汁冷麵
4 views
0 likes
0 comments
餐前飲品係鮮果沙冰，芒果味比較重，酸酸甜甜。
餐前飲品 - 鮮果沙冰
6 views
0 likes
0 comments
餐湯我揀咗蘑菇濃湯，香滑之餘仲有細細粒嘅蘑菇，增加口感。而蒜蓉法包焗得脆口，蒜蓉味適中，點上蘑菇湯一流~
餐湯 - 蘑菇濃湯
5 views
0 likes
0 comments
餐前小食新出咗幾款，我點咗芝士神秘波波卷，本來以為係炸芝士球，點知原來外面係青瓜片，入面係紫身爽口嘅瓜，上面放咗一粒芝士，整體黎講好清新，夠哂神秘。
餐前小食 - 芝士神秘波波卷
15 views
0 likes
0 comments
沙律揀咗溫泉蛋蟹籽沙律，溫泉蛋流心，落咗黑醋，好開胃。
終於輪到主菜慢煮安格斯牛柳，好似一個拳頭咁大，切開見到外圈係熟透，而入面係仲有少少血色嘅牛肉，穩穩咁鎖住肉汁，非常鮮甜。牛柳紋理分明，好”淋”，食得出係用心咁慢煮出黎。
慢煮安格斯牛柳
12 views
0 likes
0 comments
再配上墨魚汁冷麵，上面灑咗蟹籽、黃瓜絲同埋木魚碎，撈咗麻醬。估唔到墨魚汁都可以配冷麵，又幾夾。冷麵非常長，唔知係咪手打嘅呢？
墨魚汁冷麵
7 views
0 likes
0 comments
甜品加錢叫咗香芋慕絲蛋糕，賣相精緻，上下層係類似啫哩，中間嘅慕絲有香芋粒，仲有淡淡嘅香芋味。
香芋慕絲蛋糕
13 views
0 likes
0 comments
最後嘅飲品係是日水果茶，由四季春撞荔枝梳打而成，再放片橙同埋青檸，好清香，亦都好適合消濟。
是日水果茶
6 views
0 likes
0 comments
餐廳係採用微信點餐，方便快捷，冇嘅話會借電話俾你落單，好貼心。依家做緊新開優惠，有9折，快啲黎試下~
Post
