FIGS Bistro Mediterranean & Apero Terrace Bar

Open Now

Now Closed

晚餐$338 per head, 都有幾多嘢食。👌🏼蕃茄麵包配火腿蕃茄蓉細細粒粒幾清新，麵包非常非常脆，直頭係好似薯片嗰種脆，少少燶，又硬。火腿味道OK。💯🥰紅菜頭生帶子莎莎醬：呢個整得幾好味，係有啲麻油味再加酸酸甜甜嘅汁，又有細細嘅紅菜頭同蔥粒嘅感覺。帶子本身冇咩味，但有新意又好味。🤔炸火腿芝士丸：普普通通冇咩特別🥰蒜蓉蝦：味道唔錯，蒜蓉味非常濃烈。👌🏼無花果鵝肝多士：鵝肝生熟程度整得唔錯，唔會過熟。不過連埋麵包就食唔到鵝肝脆脆地皮嗰種口感。個人覺得分開食比較好。😋芝士黑松露Bikini：幾濃郁嘅黑松露味，又有煙煙韌韌嘅芝士口感。麵包煎得脆脆地，味道唔錯。❌西班牙海鮮飯：呢個麻麻哋。冇一般西班牙果種海鮮味或者係蝦湯味。😋西班牙燒乳豬：一碟得三片，份量有啲少。不過個皮整得非常薄脆，肉質OK。味道唔錯。👌🏼香海鱸魚配香草醬：香草醬比較似中式嘅蔥油醬。鱸魚都滑。味道正常。🤔甜品：芝士蛋糕同香蕉蛋糕，普普通通冇咩特別。總結係除咗西班牙海鮮飯唔推介，其他都OK。環境： ★★★☆☆ 食物： ★★★☆☆ 性價比： ★★★★☆ 推介度： ★★★☆☆