Video
Read full review
2021-05-25
615 views
同男友睇完戲，來Boring 食晚飯，幸好早入座，所以唔使等位，7點後開始多客人。環境乾淨燈光鮮明，有綠油油植物裝飾，冷氣亦夠涼爽，而且服務好，上菜及落單都流暢。我地點左套餐 A+B $238 (送小食一份)，價錢都吸引。墨西哥脆薯格薯格份量頗多，最岩傾計時食，又夠飽肚，有牛油果醬、芝士醬、酸忌廉，伴清新蕃茄粒、醃得酸酸地帶點微辣的墨西哥辣椒，味道豐富，口感多層次。特別係牛油果醬同酸忌廉，creamy又唔會好膩，墨西哥辣椒仲越食越開胃。虎蝦墨魚汁意大利飯墨魚汁好香，同意大利飯融合一起，雖然食到個咀黑哂，但味道滋味帶鮮，令人回味。意大利飯口感較軟綿，咸度調得剛好，虎蝦算大隻，炸至金黃香脆，肉質爽彈。香草牛油汁伴本菇燒春雞燒春雞做幾好正，雞皮好薄好香脆，而且唔肥，雞胸肉都做得嫩滑，保留肉汁，加上用大量香草，帶有陣陣rosemary香，配搭creamy 牛油汁，滑溜帶香又唔膩，令雞肉濕潤，本菇增加口感。士多啤梨奶昔果香味十足，打得厚身細滑，味道濃郁，唔會過甜，飲落好fresh好清新冰涼，奶味同士多啤梨味都平衡到。Boring Calada季郵限定有3款特飲，其中一款就係呢杯由pineapp
同男友睇完戲，來Boring 食晚飯，幸好早入座，所以唔使等位，7點後開始多客人。環境乾淨燈光鮮明，有綠油油植物裝飾，冷氣亦夠涼爽，而且服務好，上菜及落單都流暢。
我地點左套餐 A+B $238 (送小食一份)，價錢都吸引。
墨西哥脆薯格
薯格份量頗多，最岩傾計時食，又夠飽肚，有牛油果醬、芝士醬、酸忌廉，伴清新蕃茄粒、醃得酸酸地帶點微辣的墨西哥辣椒，味道豐富，口感多層次。特別係牛油果醬同酸忌廉，creamy又唔會好膩，墨西哥辣椒仲越食越開胃。
虎蝦墨魚汁意大利飯
墨魚汁好香，同意大利飯融合一起，雖然食到個咀黑哂，但味道滋味帶鮮，令人回味。意大利飯口感較軟綿，咸度調得剛好，虎蝦算大隻，炸至金黃香脆，肉質爽彈。
香草牛油汁伴本菇燒春雞
燒春雞做幾好正，雞皮好薄好香脆，而且唔肥，雞胸肉都做得嫩滑，保留肉汁，加上用大量香草，帶有陣陣rosemary香，配搭creamy 牛油汁，滑溜帶香又唔膩，令雞肉濕潤，本菇增加口感。
士多啤梨奶昔
果香味十足，打得厚身細滑，味道濃郁，唔會過甜，飲落好fresh好清新冰涼，奶味同士多啤梨味都平衡到。
Boring Calada
季郵限定有3款特飲，其中一款就係呢杯由pineapple, coconut, milk打成的，有菠蘿的酸甜同果香，飲落有椰奶味，口感香滑，賣相吸引。
Post
