The Grill Room (The L. Square) (Moved) New Location

星期日晚餐, 近近地, 銅鑼灣 The Grill Room 仍不錯的選擇, 位置就係 L Square, 即銅鑼灣廣場二期附近, 交通方便.懶人揀嘢食, 一於set dinner啦, 睇吓menu, 選擇都唔少呢! Dinner set包括頭盤/湯，主菜 & 甜品, 都ok喎! 南瓜忌廉湯質地非常幼滑，忌廉味唔太重, 唔會搶左南瓜的香甜味, 質地幼滑, 但比較稀，附加一小片香脆多士, 唔錯。上美國頂級八安士嫩牛柳配大蝦一向怕食生肉, 但始終怕牛肉太熟會韌, 今次試吓 medium, 牛柳上枱時已預先切開兩半, 有點乾身, 能見到粉紅色既肉, 但可喜既係無血水流出, 口感似7成熟但一點都唔韌, 帶有點炭燒香味，配上香草醬或牛肉燒汁, 各有特色. 大蝦則大大隻, 仲有2隻, 非常鮮味彈牙，蝦膏鮮甜。呢個主菜, 確實抵食! 有驚喜! 布朗尼蛋糕和馬卡龍配雲呢拿雪糕布朗尼蛋糕較硬口及乾, 朱古力味濃, 但味道仍不錯. 馬卡龍則較出色, 有水準但無外面店舖買的甜. 雲呢拿雪糕則香甜及特別軟滑, 要快點食哦, 感覺佢融化速度幾快.