叙滿庭 (Closed)

突然間諗起有次經過見到呢間未食過，所以就嚟呢度試吓食啦。七點零去到都唔需要話等位。小弟其實都鍾意食魚，但係就懶，唔鍾意有骨嘅魚。諗起之前係深水埗一間過水煮魚冇骨嘅，好好食，所以今次就嚟呢度試吓食水煮魚啦，另外仲叫咗個佢餐牌上面推介的炒拉麵。呢個水煮魚唔係話好辣，鍋底入邊有薯粉，好滑好彈牙，同埋又可以填飽個肚。但係啲魚我就有啲失望，因為佢有骨，對我來講唔少，同埋佢唔夠滑，食落仲有少少魚腥味，不過係好少好少，正常嘅，同埋都放得落口嘅。炒麵，不過不失啦，同喺出邊其他鋪頭食嘅炒麵冇乜分別。只不過係多咗啲魷魚同埋蝦。我覺得就唔使話特別推介囉