BlissHIVE Bakery Café (Closed)

大坑出名多嘢食，但係成日行到過嚟都唔知食乜，今次經過呢間Cafe就嚟咗呢度食，叫咗個千層麵，價錢大約百零蚊一個餐，另外仲有一個湯同埋麵包。千層麵就冇咩特別，都係出邊其他餐廳食嘅味道差唔多，湯就係南瓜湯嚟嘅，口感濃厚，南瓜茸好多所以做到杰身嘅感覺。另外佢嘅黑芝麻麵包我就覺得佢好特別，包邊脆得來，包身唔會話軟林林，聞落好香嘅麵包香味。份量我覺得就唔係話好多，但都夠食，環境又靜，感覺都好好，但係價錢有啲貴。