辛安東元祖奶奶雞 (Closed)

喺Facebook見到做優惠，不過只限荃灣嗰間有半價，不過嚟咗銅鑼灣呢間唔緊要啦。一入到去，坐低都唔係話舒服，有啲迫，同埋音樂超級大聲好嘈，係咁播啲Kpop。叫咗半隻安東元組奶奶雞$148，同埋海鮮墨水意大利飯，＄88。隻雞食落去其實感覺上自己覺得好似同雞煲差唔多味道，骨比較多，肉質都算嫩滑，不過不失。咁個墨水意大利飯呢，初頭嗰幾啖都幾好味，唔會好散或者過杰，不過就越食越鹹，完全唔想再食，搞到好口乾。