黑木亭-お食事処 (玉成大廈) (Closed)

開始生日之星，當然要食好少少，同個朋友仔約埋去食日本野，巧開心呢！好，坐低睇吓有咩好食先。青紅蘋果絲蟹籽沙律，個沙律好多醬，上面仲有海量蟹籽，超吸引！唐揚小池魚，呢個魚仔炸脆好香口，裡面好有肉，啲魚骨脆脆可以食埋架。DIY壽司刺身盛，呢個有得食又有得玩，可以用紫菜包住飯、櫻花魷魚、芥末八爪魚、三文魚子，自己動手做壽司。刺身顏色光鮮，每片厚度好一致，食落好鮮甜。A5黑毛和牛串，呢個好味味，個牛咬落去，啲肉汁爆岀黎，和牛脂肪入口即溶嘅口感，只係少許黑椒調味已經好正！另外仲叫左蒲燒燒鰻魚串、沖繩黑糖燒菠蘿。