道頓堀御好燒專門店 (荃灣廣場) (Closed)

尖沙咀人氣DIY店，原來荃灣都有分店！星期六中午時份，唔使等位就入到去啦！<雜錦廣島燒 $118>呢個廣島燒材料好豐富，有炒麵，海鮮，同豬肉片。 餐廳會一步步教你點先整好個廣島燒，如果真係好唔掂可以向職員求救。不過黎得呢度緊係DIY!! 步驟唔多講，不過好好玩，唔會太高難度，最難係要成個反起個下。 吱左沙律醬之後，簡直有點睛作用，個個都變廚神！如果有埋木魚絲郁郁下就好啦～味道方面，自己DIY點都加d分炒麵配上炒麵汁，好惹味！想重口味定輕口味自己決定。 整完出黎都幾大份，兩個人食岩岩好。