雞味濃 (Closed)

好耐之前已經留意到路德圍有間專門食雞嘅餐廳，但每次嚟到路德圍都會被唔同嘅小食吸引， 今次的起心水嚟試下呢間餐廳， 試吓佢哋係咪"do chicken right" 嚟到嘅時候係下午茶時間， 選咗原味頭抽鼓油雞米線下午茶餐，包一杯飲品。頭抽鼓油雞味道幾好， 鼓油略帶甜味，唔會過咸。雞肉滑嫩唔柴，成色亦好靚， 唔會係擺咗成日無人點嘅雞。個底仲有芽菜墊底，吸收頭抽醬油同雞汁嘅味，非常好食。米線正常發揮，唔會過硬或過軟。果然無令我失望，最後離開時我買咗半隻沙薑雞返屋企，都係好味嘅！