Ruff＆Fetch cafe (Closed)

近年香港越開越多歡迎狗狗嘅餐廳。作為狗狗嘅主人（奴隸），就當然要去試下睇下好唔好喇。第一次嚟到呢間，就覺得呢度有户外位置俾主人同狗狗互動。餐廳唔算多嘢食，但竟然會有一頁menu 係for 狗狗的，真係好有趣。如果唔想嗌menu 食物俾狗狗，仲可以去夾零食，價錢係依gram數計的。卡邦尼意粉（$88）- 本身見無隻温泉蛋仲有啲失望。但個味道好好味，個醬汁好creamy 不特止，仲落咗好多煙肉粒，而上面再舖上芝士粉同辣椒碎，非常惹味！荔枝梳打（$38）- 好冰凍同唔會覺太甜，夠晒解渴。