Video
Read full review
2014-08-12
1061 views
農曆八月十五中秋節，算得上中國一個傳統嘅大節日，一臨近中秋又喺月餅出籠嘅日子，又會睇到大大小小各家商戶各出奇謀嘅時候，你又諗好送咩月餅俾屋企人或朋友未？是日跟幾位好友嚟到 2/3 Dolci中環店一試其迎中秋嘅迷你奶黃月餅，兼順道品嚐近日新出嘅Fresh Summer Series系列嘅件裝蛋糕 。聽一啲做開飲食嘅朋友講，近年奶黃月餅嘅銷情一年好過一年，銷量有增無減，幾間城中做奶黃月餅做到街知巷聞嘅都要提早截單。奶黃月餅之所以咁大熱，個人覺得不外乎比傳統蓮蓉月餅無咁「漏」，感覺輕怡健康一啲，但質感跟食傳統月餅又唔會差太遠，加上奶黃餡香滑吸引，迷你裝嘅幾口就食完一件，自然更受歡迎。雖然2/3 Dolci主力做意大利雪糕及蛋糕，但月餅仍然喺對準市場需要。今年，佢哋就推出咗兩款迷你奶黃月餅禮盒：Supremo及Grande，金色包裝盒配以雲彩圖案，包裝都簡單精緻得嚟，又帶有一點高雅 。 Supremo $268一盒有4個迷你奶黃月餅及一包茉莉花茶，香茶配月餅，送禮就最大方得體。 Grande $298一盒有6個迷你奶黃月餅，較適合送俾一啲家庭成員較多嘅親朋戚友，每個月餅都獨立包裝，衛
聽一啲做開飲食嘅朋友講，近年奶黃月餅嘅銷情一年好過一年，銷量有增無減，幾間城中做奶黃月餅做到街知巷聞嘅都要提早截單。奶黃月餅之所以咁大熱，個人覺得不外乎比傳統蓮蓉月餅無咁「漏」，感覺輕怡健康一啲，但質感跟食傳統月餅又唔會差太遠，加上奶黃餡香滑吸引，迷你裝嘅幾口就食完一件，自然更受歡迎。雖然2/3 Dolci主力做意大利雪糕及蛋糕，但月餅仍然喺對準市場需要。今年，佢哋就推出咗兩款迷你奶黃月餅禮盒：Supremo及Grande，金色包裝盒配以雲彩圖案，包裝都簡單精緻得嚟，又帶有一點高雅 。
Supremo $268一盒有4個迷你奶黃月餅及一包茉莉花茶，香茶配月餅，送禮就最大方得體。
Grande $298一盒有6個迷你奶黃月餅，較適合送俾一啲家庭成員較多嘅親朋戚友，每個月餅都獨立包裝，衛生方便。
迷你奶黃月餅 月餅表面烘得金黃好睇，仲印有店家嘅「2/3」標誌，最佳食法當然喺烘熱或翻叮啦。餅皮厚度適中，口感鬆化，而奶黃餡少甜香綿，椰奶及鹹蛋黃碎誘發嘅香味，隨隨滲出，柔軟好食 ，小弟覺得鹹蛋黃碎嘅比例加多少少都無妨。
原來依家提早（17/8或之前）買仲有優惠，唔單止Supremo賣$228、Grande賣$268，比正價平多幾十蚊，仲加送兩張指定嘅標準裝（8oz）咖啡券 ，一杯售價都要$30-$36，所以，老套講句，有心買就要襯早 。
Dolci本身都供應多款特色而具質素嘅蛋糕，至於3款夏日新蛋糕（Fresh Summer Series），包括Millefogile、Daisy及Passiflora，3款都各具特色。
Millefogile $48 屬於傳統型嘅拿破崙蛋糕：酥皮加吉士，得唔得就成為質素嘅較量。酥皮嘅質素，單睇酥皮嘅層次已相信不俗，入口確然鬆脆而富牛油香；中間嘅吉士，睇得到混入咗雲呢拿籽做，有朕雲呢拿天然香味，而且，吉士打得非常軟滑細緻，整件餅毫無疑問喺水準之作 ，至於幾粒雜莓，當然喺裝飾過於實際。
Daisy $45 純粹睇名未必估到佢喺咩蛋糕，就算睇佢外型，都可能以為喺朱古力或咖啡一類，其實佢喺一件伯爵茶慕絲蛋糕。典雅嘅外型，切開就見到裡面滿滿嘅伯爵茶慕絲，以海綿蛋糕做餅底，加中間一層啫喱。慕絲柔滑而滿有茶香，啫喱味道柑柑哋，頗特別，果真討人喜愛嘅Daisy 。
Passiflora $45 外型及味道都極討好嘅Passiflora，絕對值得推介。上下兩層粉橙色以血橙做嘅蛋白馬鈴，脆口而帶點煙韌，一片白朱古力作為過場，平衡最上面嘅血橙啫喱，鮮紅色嘅啫喱橙味鮮明突出，再配合中間幼滑嘅熱情果慕絲，酸爽清涼，橙味跟熱情果味又非常之襯，齊齊驅走夏日悶氣 。
食甜品又點可以無杯咖啡襯吓啦，咖啡以外，仲有多款紅茶、花茶及果汁。
焦糖鮮奶咖啡 $40（Regular） 雖然個拉花有啲瑕疵，但杯鮮奶咖啡真喺做得好手勢，唔使搞，亦無需要加糖，入口飲得到奶泡撞入濃縮咖啡時嗰份均勻，每口咖啡味唔會時重時輕，而且，啡味醇香，焦糖沉厚，質感柔滑 。
多謝食友嘅邀請，以及公關嘅款待，讓小弟有個咁甜蜜嘅茶聚！有時會忽發奇想，個迷你奶黃月餅換上唔同嘅餡料，又可唔可以作為恆常嘅甜品發售，吸引吓外國嘅遊客呢？
Post
