Video
Read full review
2021-05-01
772 views
成日去Donki嘅大家，有冇試過Donki入邊嘅熟食，當中我最鍾意嘅唔係嘢食，反而係嘢飲，係一杯北海道奶昔。呢杯北海道奶昔係Donki入面既Sweet Potato Factory買，但只有尖沙咀Donki先有呢個奶昔，其他分店只有番薯嗰啲小食買。-1️⃣ 北海道奶昔 💰37（👅: 8/10）一開始係朋友介紹我飲呢杯奶昔，見到北海道三個字就會覺得所有嘢都好食好飲，會諗起喺日本食到嘅北海道雪糕同乳製品都係超好食。奶昔飲落好重牛奶香味，非常creamy，奶昔飲落厚身，諗落好似飲緊北海道牛奶咁，又好似食緊雪糕咁，香濃軟滑，但成杯野唔會話好甜，好有驚喜，而且成杯野好冰凍，夏天飲特別消暑。奶昔上面嗰啲係cream，撈埋一齊飲更加滿足，不過通常我淨係掛住飲奶昔，最後飲浮晒啲cream喺度冇撈均到，飲完成杯都幾飽肚。-⭐ 呢杯奶昔算係donki嘅高質飲品，飲落會似喺日本飲到個味道，但反而日本嘅donki冇得買，掛住日本嗰時可以嚟尖沙咀店買來飲下。Sweet Potato Factory特別喺收銀區外面，唔使行入去Donki都買到，除咗北海道奶昔，佢仲有紫薯口味。-👅味道: 8/10🍴環境: 7/10💰消
成日去Donki嘅大家，有冇試過Donki入邊嘅熟食，當中我最鍾意嘅唔係嘢食，反而係嘢飲，係一杯北海道奶昔。
呢杯北海道奶昔係Donki入面既Sweet Potato Factory買，但只有尖沙咀Donki先有呢個奶昔，其他分店只有番薯嗰啲小食買。
-
1️⃣ 北海道奶昔 💰37（👅: 8/10）
北海道奶昔
$37
63 views
1 likes
0 comments
一開始係朋友介紹我飲呢杯奶昔，見到北海道三個字就會覺得所有嘢都好食好飲，會諗起喺日本食到嘅北海道雪糕同乳製品都係超好食。
奶昔飲落好重牛奶香味，非常creamy，奶昔飲落厚身，諗落好似飲緊北海道牛奶咁，又好似食緊雪糕咁，香濃軟滑，但成杯野唔會話好甜，好有驚喜，而且成杯野好冰凍，夏天飲特別消暑。
奶昔上面嗰啲係cream，撈埋一齊飲更加滿足，不過通常我淨係掛住飲奶昔，最後飲浮晒啲cream喺度冇撈均到，飲完成杯都幾飽肚。
-
⭐ 呢杯奶昔算係donki嘅高質飲品，飲落會似喺日本飲到個味道，但反而日本嘅donki冇得買，掛住日本嗰時可以嚟尖沙咀店買來飲下。Sweet Potato Factory特別喺收銀區外面，唔使行入去Donki都買到，除咗北海道奶昔，佢仲有紫薯口味。
-
👅味道: 8/10
🍴環境: 7/10
💰消費: $37 (服務費: NA)
Post
