鮮選壽司 (Closed)

如果想搵一個坐得舒服嘅午膳地方，鮮選壽司就好適合啦。佢喺銅鑼灣Donki入面，上一層電梯就到，環境光猛乾淨，座位闊落，同隔籬枱都會有充足嘅空間。員工亦都比較多，唔會好難先搵到人去serve落單係用平板電腦，壽司同軍艦都係逐件計，亦都有前菜、刺身、熱食、烤物、甜品等。上菜就唔係平時嘅迴轉壽司形式，反而會將你點嘅嘢擺喺同一盤上，成個presentation都幾靚。食咗三文魚腩、海螺、池魚都唔錯，普遍質素我覺得比壽司郎更好，不過款式上就會比壽司郎或元氣都少，亦都冇香口小食或者烏冬去填肚。午餐我哋平均每人$160，大約每人食咗10件壽司。